Ares non pode con San Xoan e disputará a eliminatoria da permanencia
Os vascos avantaxaron en tres segundos á embarcación galega
Chapela acabou de última a manga e descende
O triunfo na bandeira de Ares foi para Orio
Foi na disputa da Bandeira de Ares, con todo o remo galego volcado coa embarcación de alí. Ares remaba na casa e tiña que enxugarlle tres puntos na clasificación a San Xoan. O remo galego quería unha vitoria de Ares, quería festa, como a deste sábado en Boiro, onde gañou Ares a manga e a San Xoan non se lle vira ben.
Pero dun día para outro, a situación cambiou e San Xoan ofreceu un rendemento moi distinto, tanto que foi quen de superar a Ares, nas súas augas, por tres segundos de diferenza. Este resultado obriga agora a Ares a disputar o playoff para lograr a permanencia.
Chapela acabou última a manga e descende de xeito directo. E o triunfo nesta Bandeira de Ares foi, como non, para a intratable Orio.
