Ana Miranda pide no Parlamento Europeo aumentar a presión internacional sobre Israel para alcanzar un cesamento do fogo en Gaza

A eurodeputada do BNG Ana Miranda pediu ante o Parlamento Europeo aumentar a presión internacional sobre Israel para alcanzar un alto ao fogo na Franxa de Gaza.

Tras visitar Rafah a pasada fin de semana, denuncia o bloqueo de alimentos e medicinas e asegura que se está cometendo un xenocidio contra a poboación palestina.

"Non me quedan palabras tras visitar o hospital palestino de Jan Yunis. Todos os interlocutores con que falamos din que hai un risco inminente de colapso pola falta de axuda humanitaria", asegurou Ana Miranda no pleno do Parlamento.