Álvaro Pino, o heroe do triunfo na Volta a España do 86
Álvaro Pino (Zor-BH) culminou con éxito unha vibrante edición na que Robert Millar foi o seu gran rival
Hoxe é trece de maio, e o trece de maio de hai corenta anos Álvaro Pino gañaba en Xerez a Volta a España. Coa bicicleta que conserva no seu domicilio e despois de trece días como líder da carreira co xersei amarelo.
Era a terceira vitoria galega na rolda española: Delio Rodríguez, Emilio Rodriguez e Álvaro Pino. E os tres de Ponteareas.
Como fixera oitavo na Volta do 85 ninguén confiaba nas súas posibilidades. Os favoritos eran Millar, Kelly, Lejarreta, Delgado, Fignon, Cabestany, Mottet, en fin a flor e nata da época. Pero Pino estaba firmemente convencido do seu triunfo e neses últimos 22 quilómetros polas rúas de Xerez demostrou do que é capaz un ciclista cando se trata dun puro sangue como o era o galego Álvaro Pino.
