Álvaro Casas: "Xa que hai que sufrir, mellor gañar no 94"

O fútbol ás veces fai xustiza. Cando menos, así pode pensar o Compostela, que caía na primeira xornada no tempo de prolongación e que hoxe se refixo grazas a un gol na última xogada de Cano. O capitán do conxunto santiagués analizou no Galicia en goles esta triunfo.

"Sabemos que hai que sufrir, así que, se hai que gañar no 94, mellor. Debemos seguir mirando cara adiante. É unha categoría difícil, na que todos os equipos teñen que traballar moito para gañar. Xa o vimos o ano pasado. Somos un equipo ao que lle gusta ter o balón, son as nosas características, e sufrimos cando non o temos, coma hoxe".