Alfonso Rueda lembra a obriga de limpar os terreos arredor das vivendas
Rueda e Feijóo visitaron os centros de control de incendios en Chandrexa de Queixa e de Ourense para coñecer de primeira man a evolución do lume
En Ourense hai activos agora mesmo cinco grandes incendios
Rueda pon cifras á vaga de incendios: Galicia extingue entre 30 e 35 incendios diarios
O presidente da Xunta, Alfonso Rueda, e o presidente do PP, Alberto Núñez Feijóo, coñeceron de primeira man a evolución dos lumes. O prioritario é protexer as vidas e tamén as vivendas.
Rueda insiste en que para isto é necesario manter limpos os terreos lindeiros: "Hai unha obriga de manter limpas as franxas pegadas ás vivendas. O gran problema destes incendios está sendo defender as vivendas e se están limpas arredor é máis sinxelo".
Nos próximos días as condicións meteorolóxicas van seguir sendo complicadas. O presidente Rueda pídelle aos veciños das zonas afectadas que sigan as indicacións dos equipos de extinción.
Alfonso Rueda agradece o esforzo de todos os que participan na loita contra os lumes. Dende que comezou agosto houbo que extinguir en Galicia 250 incendios máis que no mesmo período do ano pasado.