Ábrese o prazo para solicitar as vacacións familiares nas residencias da Xunta

Este martes abriuse o prazo para a solicitude de vacacións familiares nas residencias de tempo libre da Xunta. Este verán o programa oferta 2.760 prazas nas residencias do Carballiño e na de Panxón, en Nigrán.

O prezo é de 37 euros por persoa e día en pensión completa, con descontos do 50 por cento para os menores de 12 anos e con prioridade para as familias monoparentais, acolledoras ou vítimas de violencia machista. O prazo para as solicitudes remata o 30 deste mes.