A Xunta licita a estación intermodal da Coruña: 40 millóns e inicio de obras en outubro

As obras da nova estación intermodal da Coruña comezarán en outubro e durarán 29 meses. A Xunta xa sacou a licitación un proxecto que, como explicaba a conselleira de Infraestruturas, vai supoñer un investimento de case 40 millóns de euros.

A terminal de autobuses terá 20 dársenas e 325 prazas nun aparcadoiro soterrado. Ethel Vázquez dixo que se trata dun proxecto transformador para facer A Coruña máis competitiva.