A xerente do PSOE di que "non hai ningún pago en efectivo que non estea documentado"
Ana María Fuentes lembrou que ocupa o cargo desde 2021 cando Ábalos xa deixara a Secretaría de Organización do PSOE
O exxerente do PSOE négase a declarar no Senado por estar citado no TS polo caso Koldo
Ana María Fuentes na comparecencia no Senado na comisión de investigación do caso Koldo. EFE
A xerente do PSOE, Ana María Fuentes, afirmou este xoves na comisión de investigación do caso Koldo no Senado que todos os pagos que fai o partido están "perfectamente regulados" e que "non houbo ningún pago en efectivo que non estea documentado".
Fuentes asegurouno así en resposta á primeira senadora que a interrogou, María Caballero, de UPN, quen lle preguntou sobre os pagos en metálico que fixo o PSOE ao exministro José Luis Ábalos que, segundo un informe da UCO da Garda Civil, non teñen apoio documental.
A xerente, tras lembrar que ocupa o cargo desde 2021, cando Ábalos xa deixara de ser secretario de Organización, explicou que en Ferraz dependendo do tipo de retribución económica que se faga seguen "un procedemento ou outro".
Ademais, aseverou que "cada pago que se fai do PSOE está contabilizado dentro da caixa, soportado documentalmente e auditado polo Tribunal de Contas" e que todo o diñeiro que se paga, xa sexa por transferencia bancaria, en efectivo ou como anticipo, "procede dunha orixe lexítima".
