A Policía Nacional detecta estafas na venda de entradas para o Valladolid-Deportivo
Nos últimos días recibíronse varias denuncias en que se dá conta de estafas na venda de particulares que se anuncian en redes sociais
Desde a Policía Nacional, lémbrase que a compra de entradas para eventos deportivos e todo tipo de espectáculos, debe realizarse a través das canles oficiais
A Policía Nacional detectou a comisión de estafas na venda de entradas entre particulares para o partido de fútbol Valladolid-Deportivo, utilizando as redes sociais. En todas as denuncias recibidas, diferentes usuarios publicitan en redes sociais e plataformas dixitais, a venda de entradas para o encontro entre Valladolid-Deportivo.
Cando algunha persoa interésase na compra desas entradas, ínstana a manter unha conversación mediante a aplicación WhatsApp, e posteriormente a realizar o pago utilizando Bizum. Unha vez realizado o pago, cortan calquera tipo de comunicación e bloquean o comprador en todas as aplicacións, e por suposto, non se produce ningún envío de entradas.
Os estafadores adoitan utilizar de reclamo produtos cunha gran demanda a uns prezos alcanzables, como neste caso as entradas para o referido partido.
Desde a Policía Nacional, lémbrase que a compra de entradas para eventos deportivos e todo tipo de espectáculos, debe realizarse a través das canles oficiais. Dentro destes, existen plataformas seguras de pago que garanten a compra.
