A policía investiga como crime machista a morte dunha parella nas Palmas

A Policía Nacional investiga as circunstancias da morte dun home e unha muller de orixe filipina cuxos cadáveres apareceron este martes con signos de violencia nun domicilio das Palmas de Gran Canaria. Os falecidos son unha muller de 43 anos e un home de 35.

Aínda que polo momento se descoñecen máis detalles sobre o ocorrido, si se confirma que no sistema de protección de vítimas de violencia machista VioGén consta unha denuncia da muller contra o home, denuncia que no seu momento foi arquivada.

A Policía Nacional só confirmou o achado dos cadáveres, aínda que non ofreceu máis datos debido a que o xuíz responsable do caso decretou o secreto sumarial das dilixencias abertas para esclarecer o suceso.