A Garda Civil detén a parella da muller asasinada por estrangulamento en Alacant
De confirmarse este novo caso, serían 23 as asasinadas por violencia de xénero no que levamos de ano
Arquivo
A Garda Civil detivo un home en relación co asasinato por estrangulamento este martes dunha muller en Calosa de Segura (Alacant), informaron a EFE fontes coñecedoras do caso, que precisaron que se trata da parella da vítima.
O crime ocorreu ao redor do mediodía e ata o lugar desprazáronse axentes da Garda Civil para a investigación, mentres que a Delegación do Goberno contra a Violencia de Xénero informou, a través da rede social X que está recopilando información "do asasinato por presunta violencia de xénero".
Máis de 1.300 vítimas de violencia machista desde 2003
De confirmarse este caso como un asasinato machista, serían 23 mulleres as vítimas mortais da violencia de xénero no que vai de ano, 1.364 desde 2003.
As vítimas da violencia machista e a súa contorna poden pedir axuda en distintos recursos activos todos os días da semana e as 24 horas do día: o teléfono 016, o correo electrónico 016-online@igualdad.gob.es e a canle do WhatsApp no número 600 000 016.
Nunha situación de emerxencia pódese chamar ao 112 ou aos teléfonos de emerxencias da Policía Nacional (091) e da Garda Civil (062) e, se non é posible facer esa chamada, en caso de perigo existe tamén a opción de activar a aplicación ALERTCOPS, que envía un sinal de alerta á Policía con xeolocalización.
