A cuarta dose da vacina contra a covid podería aplicarse este outono

Nunha entrevista no programa Bos días, Marta Piñeiro, subdirectora xeral de saúde pública, avanzou que a cuarta dose da vacina contra a covid administrarase de cara ao outono, aínda que a data exacta dependerá de cada comunidade autónoma.

Os indicadores da covid comezan unha tendencia á baixa en todas as comunidades despois dun episodio de ascenso dos contaxios. Tamén continúan estables os indicadores hospitalarios, tanto en planta como nas UCI.

Seguindo coa estratexia de vacinación, a cuarta dose administrarase en primeiro lugar aos maiores de 80 anos e residentes de xeriátricos e posteriormente os sanitarios e maiores de 60 anos.

A previsión indica que a administración desta dose de reforzo coincidirá coa campaña da gripe a mediados de outubro. Esta data podería cadrar coa posible chegada das vacinas adaptadas ás novas variantes.

Outra das novidades que avanzou Marta Piñeiro é a diferenciación que vai facer o Ministerio de Sanidade entre ingresos con covid e ingresos por covid.