A crise da vivenda e o adianto electoral centran a sesión de control do Parlamento

Ás 10:00 desta mañá arrinca o pleno no Parlamento galego. Será coa tradicional sesión de control ao Goberno, marcada nesta ocasión pola decisión do presidente do Goberno de disolver as Cortes e adiantar as eleccións para o vindeiro 29 de novembro.

A crise de vivenda que desembocou na convocatoria electoral centrará o acareo do presidente, Alfonso Rueda, cos líderes da oposición.

Tanto o socialista José Ramón Gómez Besteiro, como a portavoz nacional do BNG, Ana Pontón, esixiranlle que poña en marcha medidas para garantir o acceso á vivenda en Galicia.

Poden seguir a sesión en G24.gal.