A Comisión Federal dos EUA propón pechar os portos aos barcos españois

A Comisión Federal Marítima (FMC) dos Estados Unidos propuxo este venres pechar os seus portos a buques españois mentres continúa a investigación sobre a negativa de España a que cargueiros estadounidenses con armamento para Israel fixesen escala en Alxeciras (Cádiz).

Segundo indicou a través dun comunicado publicado na súa páxina web, está a examinar opcións que inclúen "limitacións á carga, a denegación de entrada a buques que operen baixo bandeira española ou a imposición de multas" de 2,3 millóns de dólares por viaxe en buques con bandeira española".

Con todo, subliñou que non se emitiu unha decisión final e que a FMC "avaliará coidadosamente as probas e todas as consideracións pertinentes", alegando que "calquera acción guiarase polo mandato legal da Comisión e o expediente factual elaborado na investigación".

Washington sinalou que o Goberno español impediu en novembro de 2024 o acceso directo de polo menos tres buques estadounidenses, incluídas embarcacións operadas baixo o Programa de Seguridade Marítima de Estados Unidos, e fixo fincapé en que "a política que motiva ditas denegacións segue vixente".

Impacto no comercio exterior estadounidense

Para avaliar o seu impacto no comercio exterior estadounidense, a Comisión está a solicitar información adicional a transportistas, comerciantes e outras partes interesadas sobre "a política actual de España de denegar ou rexeitar o acceso aos portos a certos buques que transportan carga con destino ou procedencia de Israel, as medidas que adoptou para aplicar dita política e o impacto nas condicións do transporte marítimo".

En base á información obtida ata o momento, esta axencia independente do Goberno estadounidense apunta a que as regulacións aplicadas polas autoridades españolas poden estar a crear "condicións xerais ou especiais desfavorables para o transporte marítimo no comercio exterior estadounidense", razón pola cal "debe examinar" que medidas "correctivas poderían ser apropiadas para axustar as devanditas condicións aparentes".

Só quedan 91 buques baixo pavillón español que fundamentalmente fan cabotaxe nacional, o 56 % navega baixo pavillón estranxeiro

A flota de barcos mercantes que  navegan baixo pavillón español descende de ano en ano. En 2024 descendeu ata o 5,6 %. A comezos de 2025 navegaban baixo pavillón español só 91 buques. Deles o 57%  son buques de pasaxe, que operan, a maioría, en tráficos de cabotaxe nacional. A bandeira española xa non conta por exemplo con ningún quimiquero, ningun portacolestores, nin granaleiros, só ten 6 petroleiros. A maioría dos mercentes rexistrados en Canarias

Os armadores españois teñen arredor do 56% dos barcos baixo pavillóns estranxeiros. Os rexistrados en Europa están fundamentalmente en Chipre ou Madeira. O resto en países como Bahamas, Belice e Panamá, entre outros.