A Audiencia Nacional rexeita unha denuncia contra Puente polo accidente de Adamuz
O ministro de Transportes fora denunciado por homicidio imprudente
A AN considera non é o órgano competente para estudar a denuncia, ao ser Puente un ministro aforado ante o Tribunal Supremo
O ministro de Transportes, Óscar Puente, nunha comparecencia co presidente do Adif (EFE/ Kiko Huesca)
A Audiencia Nacional rexeitou unha denuncia por un presunto delito de homicidio imprudente presentada contra o ministro de Transportes, Óscar Puente, polo accidente ferroviario ocorrido o pasado 18 de xaneiro en Adamuz (Córdoba).
Segundo adiantou eldiario.es e confirmaron a EFE fontes xurídicas, o xuíz Antonio Piña inadmitiu esta denuncia interposta pola Asociación Liberdade e Xustiza, como pediu facer a Fiscalía Anticorrupción, que ditaminou que a Audiencia Nacional non é o órgano competente para estudar a denuncia, ao ser Puente un ministro aforado ante o Tribunal Supremo.
A denuncia dirixíase contra Puente como presunto responsable dun delito de homicidio imprudente en relación ao accidente ocorrido o pasado 18 de xaneiro tras o descarrilamento de dous trens de alta velocidade ao seu paso pola localidade cordobesa de Adamuz, que deixou 46 vítimas mortais.
Ademais de que o Supremo sería o órgano que debería determinar se cabe abrir unha investigación ao ministro, dada a súa condición de aforado, un xulgado de Montoro (Córdoba) está ao cargo da investigación xudicial do accidente ferroviario.
