A atención temperá, nos casos de parálise cerebral, permite acadar uns maiores niveis de autonomía
No Día Mundial da Parálise Cerebral, as familias e os afectados reclaman máis visibilidade
O coidado multidisciplinar dende pequenos axuda a mellorar a súa calidade de vida
Afecta unha de cada 500 persoas e é a causa máis frecuente de discapacidade na infancia
Este venres celébrase o Día Mundial da Parálise Cerebral. Afecta unha de cada cincocentas persoas e considérase a principal causa de discapacidade na infancia.
A atención temperá, dende que nacen ata os 6 anos, é fundamental, insisten os profesionais médicos, para acadar unha maior autonomía e calidade de vida.
Nerea, unha moza ourensá de 18 anos, é un bo exemplo. O coidado multidisciplinar que recibiu no Complexo Hospitalario de Ourense dende pequena axudouna a ela e tamén á súa familia.
