A área de Vigo podería chegar aos 5.000 casos o domingo

Vigo achégase perigosamente aos 5.000 casos activos de covid, hoxe xa son 4.743 os afectados.

Nas últimas vinte e catro horas detectáronse 395 casos novos por PCR. Hai 74 persoas hospitalizadas e 21 en unidades de coidados intensivos.

As ringleiras para as PCR sen cita nas avenidas van desde o Náutico ata case a Xunta e hai esperas dunha hora e máis.

Hai persoas que a fan por prevención, diante das xuntanzas familiares das festas, pero tamén hai contactos directos nos traballos, nos colexios e nas casas.

Tamén hai colas de vehículos no covid auto do Cunqueiro. 

A área de Vigo é a que máis preocupa, con máis de 2.000 casos sobre a seguinte área máis afectada, que é Ourense