A área de Pontevedra-O Salnés supera os 2.000 casos activos
Pontevedra-O Salnés suma 163 novos positivos
Bueu segue coa incidencia máis elevada de toda a área
A área sanitaria de Pontevedra-O Salnés segue en ascenso con 163 novos positivos, e polo de agora non hai indicios de mellora.
"Non vemos aínda o momento en que, na área de Pontevedra se acade un pico e empece a descender, é dicir, aínda estamos subindo, a nivel de hospitalización compénsanse a cifra e apenas aumentamos respecto ás semanas previas porque os casos que ingresan compénsanse polos casos que se dan de alta", informa Juan Turnes, coordinador de hospitalización covid no CHOP
Hoxe superouse a barreira dos 2.000 casos activos. Bueu segue a ser o concello coa maior incidencia, hai 153 enfermos de covid e iso nótase na rúa.
"É que media vila está confinada", di unha muller
O virus afecta tamén o sector da pesca, xusto agora que están coa campaña do Nadal.
"Algúns barcos que se dedican á campaña da nécora e do marisqueo agora mesmo a teñen suspendida porque están sufrindo a covid, entón pois non poden saír pescar", comenta unha señora
Estes días as vacinas son tema de conversa e de discusión.
"A vacina fai moito, os que a teñen non van hospitalizados nin...", "pero van morrendo algúns tamén", "morrer temos que morrer todos", "si pero non coa covid", falan uns veciños de Bueu
