Citadas 5000 persoas para poñer a dose de reforzo no recinto feiral de Vigo
Tamén se administra a segunda dose aos mariñeiros que tiñan unha picada de Jenssen
Vigo comeza tamén coas vacinacións masivas. Faino para a franxa de idade de entre os 70 e os 79 anos. Nesta quenda de sábado hai citados 5.000 maiores. O proceso para esta franxa de idade estenderaase ata o 30 de novembro. Así ata sumaren esas 50.279 doses que se van administrar na área sanitaria de Vigo. Hoxe hai 20 postos de vacinación.
"A verdade é que veñen moi contentos. Onte acudiron o 75% dos 5000 citados. Os nosos maiores veñen moi animados, e moi agradecidos, sobretodo", cóntanos Lara Sánchez, a coordinadora do equipo de vacinación de Vigo.
Nesta quenda de vacinacións funciona un só pabillón no Ifevi. O outro xa estaba reservado para un evento. Iso obriga a acceder por fóra das instalacións aos que acoden a vacinarse. As vacinacións no Ifevi serán en horario de mañá, de luns a domingo.
Na área de Vigo hai 28.618 persoas ás que se lles administrou a monodose de Janssen. Nunhas semanas poderán acudir sen cita para a segunda dose. pero hoxe só citaron os mariñeiros nesa situación. Este sábado só se administrou o preparado de Pfizer.
