O Goberno concede a Gran Cruz de Carlos III ao expresidente da Xunta Fernández Albor

O Consello de Ministros acordou na súa reunión deste martes conceder a Gran Cruz da Orde de Carlos III a título póstumo ao expresidente do Goberno galego Gerardo Fernánde Albor.

Así o recolle o decreto publicado este martes no Boletín Oficial do Estado (BOE), que inclúe a concesión desta distinción a outros expresidentes autonómicos.

Nacido en Santiago de Compostela en 1917 e falecido en 2018, médico de profesión, ocupou a presidencia da Xunta, na súa etapa como político, desde xaneiro do 1982 ata setembro de 1987.

A súa actividade política exerceuna primeiro en Alianza Popular e máis tarde no PP. Foi o primeiro presidente da Xunta de Galicia e, posteriormente, foi tamén deputado do Parlamento europeo.