David Rubín: "En 'O lume' pregúntome de que serve a arte nun mundo que se esborralla"

Un asteroide está a piques de colidir coa terra. Os humanos preparan un plan para destruílo, pero por se falla hai un arquitecto, Alexander Yorba, encargado de crear unha colonia lunar para salvar a humanidade ante o inminente impacto. Yorba dedícase ao proxecto en corpo e alma ata que  é diagnosticado cun tumor terminal que o leva a abandonar todo e reencontrarse coa súa familia. Desde aí Yorba pode ser o heroe ou o vilán. Aos mandos desta historia feita banda deseñada, o gran David Rubín.