Arturo Lezcano: "Ninguén lle preguntara a Chanquete por que choraba na foto de Manuel Ferrol"
O xornalista asina unha obra que se poder ler como unha fábula, un libro de viaxes, unha elexía e unha crónica en primeira persoa
'O país invisible. A epopea atlántica da diáspora galega' precisou vinte anos de viaxes, reporteirismo, entrevistas e investigación
Próximas presentacións: mañá na Librería Eixo, Ourense, o mércores 22 Libraría Paz, Pontevedra, o xoves 23 Central Libreira, Ferrol
Calcúlase que entre 1850 e 1960 emigraron dous millóns de galegos a América, dos que só retornaron arredor dun terzo. Son dous millóns de persoas, de historias. Por suposto non podemos recuperalas todas, pero si ter unha idea máis aproximada da epopea atlántica da diáspora galega grazas a este monumental libro de Arturo Lezcano, 'O país invisible'. Un libro inmenso, en todos os sentidos, cheo de personaxes, de vidas, de fortunas e infortunios, historias case sempre esquecidas.
