Alberto Vecino: "Dende a adolescencia a música sempre foi un consolo para min"

Sempre semella doloroso falar das ausencias, pero, a un tempo, traémolos á vida cando falamos dos que xa non están. Para Alberto Vecino, vocalista de Chicharrón, o seu proceso para sandar as feridas, pasou por compoñer cancións e cantalas. Tres discos desde o 2018, a modo de diario, da enfermidade e morte da súa nai Teresa. O último titúlase Erosión e preséntao esta fin de semana en Carballo.