Abril Camino: "É case máis triste a invisibilidade da sexualidade das mulleres, que a polémica que poida xerar"
Abril Camino: "É case máis triste a invisibilidade da sexualidade das mulleres, que a polémica que poida xerar"
'Mulleres que viven xuntas' é a obra gañadora do premio Xerais de novela 2025
A novela aborda a represión vivida por mulleres que ocultaban relacións baixo a aparencia de amizade
Esta é a súa primeira novela en galego tras unha traxectoria na novela en castelán
A historia de Isabel e Chus comeza no enterro dunha delas. A despedida do amor de toda unha vida, sempre oculto baixo a aparencia dunha amizade, a única maneira de salvarse e de convivir. Elas son, como di o título, ‘Mulleres que viven xuntas’ e tamén son parella, amor e amantes, no tempo da represión franquista. Rocío Otero escribiu esta historia que lle deu o Premio Xerais que desde hai uns días ten na casa. Rocío Otero que na escrita é Abril Camino.
