A Xunta ofertará 1.700 prazas fixas en sanidade en 2024

O conselleiro de Sanidade, Julio García Comesaña, anunciou este martes que a Xunta ofertará 1.700 prazas estruturais de emprego público en sanidade en 2024.

Así o recollen os presupostos do seu departamento para o próximo ano, segundo relatou García Comesaña na comisión parlamentaria onde presenta as contas d seu departamento para o próximo ano.

O presuposto de sanidade para 2024 supera por primeira vez os 5.000 millóns de euros e supón o  40 % de gasto total da Xunta para o próximo ano.

Dentro deste presuposto, o gasto en persoal previsto supera os 2.200 millóns de euros, tanto polas novas prazas, como "polas melloras" retributivas acordadas este ano, relatou o conselleiro, que engadiu que Sanidade "inviste" máis de 6 millóns de euros ao día en persoal dos 14,2 millóns de euros ao día que prevé gastar o próximo año.

As prazas que prevé facer estruturais para o próximo ano a  Xunta corresponden a uns 200 médicos; outras 700, a enfermería; 450, a auxiliares de enfermería; 120, a técnicos sanitarios, e 100, a celadores.