Gastronomía galega e de fusión mestúranse no concurso de tapas de Lugo

Había moitas ganas xa de probar tapas novas, e os máis madrugadores degustan xa as primeiras. O concurso de tapas de Lugo fai 18 anos e os amantes do bo xantar teñen a oportunidade de probar sabores do máis variado.

Hai moita proposta tradicional. E tamén outras que mesturan, por exemplo, os nosos produtos do mar con sabores propios doutras culturas.

Non faltan produtos de tempada como as fabas de Lourenzá ou os cogomelos e tampouco as tapas veganas. E así ata preto de corenta propostas noutros tantos bares e restaurantes da cidade. Así que se queren darlle un gusto ao padal saiban que o concurso vaise prolongar ata o vindeiro día 19.