Vitoria de prestixio do Pontevedra no Helmántico (1-2)

O Pontevedra gañou no campo do Helmántico e é o único equipo que mantén o ritmo do Adarve á fronte da clasificación. Impúxose nun partido moi disputado contra o Salamanca grazas a un gol do malpicán Romay no treito final. 

Charles foi fiel á súa cita co gol e anotou o 0-1. Arencibia empatou antes do descanso para a UDS e cando xa estabamos no 81 Romay cabeceou á rede unha falta e permite que o Pontevedra consiga un triunfo que vale o seu peso en ouro.