Unha vintena de concentracións en Galicia contra a proliferación de parques eólicos
Unha vintena de concentracións en Galicia contra a proliferación de parques eólicos
A coordinadora "Eólica Así Non" convocou as protestas
A Xunta segura que o Plan sectorial eólico deixa fóra o 70 % do territorio
Neste Día Internacional das Montañas, unha vintena de localidades galegas acolleron diferentes manifestacións contra a proliferación de parques eólicos.
Convocados pola coordinadora "Eólica Así Non", os participantes amosaron o seu rexeitamento á proliferación de proxectos eólicos que se están tramitando e que supoñen, segundo eles, unha ameaza para o hábitat, as persoas, o patrimonio cultural e o medio rural galego.
Engaden que a actual explosión da explotación eólica só beneficia as grandes corporacións eléctricas.
A conselleira de Medio Ambiente pediu esta mañá sensatez sobre este tema. Ángeles Vázquez asegurou que Galicia ten definido o seu Plan sectorial eólico, e que fóra del non se pode instalar ningún parque, o que deixa fóra o 70% do territorio. Vázquez asegura que a enerxía é necesaria e á vez é compatible co coidado do medio ambiente e da vida no rural galego.
