Unha parella de Cambados gaña 260.000 euros na lotería de San Valentín

Unha parella de Cambados obtivo na administración de loterías número 1 da vila unha pegada estupenda do día de San Valentín. Un deles pediu de máquina dous décimos do número que saíu co primeiro premio onte á noite. Fixeron unha compra de trinta euros que lles proporcionou 260.000 en bruto.

Xoán da Cruz Martínez Rial, propietario da administración de Loterías 1 de Cambados prevé que 
"probablemente sexan para a mesma persoa. Probablemente. Pero ninguén se manifestou polo de agora...".

Non pasara nin media hora desde que Xoán o dixera cando sucedeu algo que non adoita pasar fóra do sorteo de Nadal, saber da persoa afortunada. Sóuboo no momento en que estabamos do outro lado da rúa gravando.

"Así como estamos a colocar o cartel de aí, e unha señora que estaba aquí na cola. Pregúntame "Non me digas que ese é o número que tocou?". Viña co boleto na man que é feito pola máquina 07.221 díxonos que mercara un para ela e outro para o compañeiro e ía agora avisalo a el tamén", relata o dono da oficina de Loterías.

A afortunada foise axiña e no aire quedaron preguntas como que facer cos 224.000 euros libres de impostos que lle tocaron á parella:

"Home, pois, hai que pensalo; arranxar a vida que aínda somos novos e hai moito que mirar e a vida", di un home. E unha muller opina que "xa pagan a voda, o namoramento, o piso e todo".

E na Lotería número 1 de Cambados onde amosaron boa intuición, tamén encantados de sumaren un novo premio importante ao se currículo de repartición de cartos.