Un 'thriller' histórico de Tony Gratacós dálle outra volta á xesta de Magalhães-Elcano
'Nadie lo sabe', de Tony Gratacós, fainos reflexionar: Elcano, heroe ou vilán?
O xerme da obra son tres interrogantes sobre Magalhães, cos que o autor topou na súa investigación documental
Todo un fenómeno literario cunha historia factible pero ficcionada
A expedición Magallães-Elcano que deu a primeira volta ao mundo fai 500 anos. O escritor catalán Tony Gratacós dálle unha reviravolta a esta xesta española cun thriller histórico que arranca con moitos interrogantes. Todo un fenómeno literario que nos fai reflexionar: foi Elcano un heroe ou un vilán?
Ler unha biografía sobre Magalhães foi o xerme da investigación de Tony Gratacós con motivo dos 500 anos da primeira volta ao mundo. Segundo nos conta, hai preguntas inquietantes ás que tenta dar resposta cun thriller histórico: Nadie lo sabe.
Cando Magalhães chega a Sevilla pide ser nomeado capitán xeral dunha nova expedición, pero o rei non llo concede, cuestión que intriga tamén o escritor. E hai un terceiro interrogante que acontece en Valladolid.
E se os feitos non acontecesen tal e como nolos contaron? e se hai outra cara da expedición que se mantivo agochada? Sangue, suor e bágoas nunha historia factible pero ficcionada que o lector poderá interpretar ao seu xeito coa lectura deste título porque en realidade... Nadie lo sabe.
