Un inicio en tromba do Adarve acaba co Arenteiro
Os de Fran Justo quedaron cun futbolista menos, curiosamente, na xogada do gol a favor
O Arenteiro perdeu 1-2 no Vicente del Bosque contra o Unión Adarve. O cadro madrileño comezou con todo sobre o céspede, en menos de 10 minutos xa gañaba 2-0 con goles de Mallorga (por penalti de Diego García) e Tellechea.
E ao bordo do descanso chegou a xogada que sen dúbida cambiou o encontro. O colexiado sinala penalti a prol do Arenteiro por man dentro da área. Pero na protesta, Pol Bueso pisa a un defensor do Adarve diante do árbitro. Este expúlsao despois de consultalo co seu asistente e os verdes empatan o partido pero quedan con 10.
Na segunda parte o dominio foi do Adarve, que mesmo tivo un gol anulado e o resultado non sufriu cambios. Os de Fran Justo perden algo de opcións de soñar co play-off.
