Extinguido o incendio forestal de Cerdedo-Cotobade tras calcinar 50 hectáreas

O incendio que desde a tarde do mércores afectaba o municipio pontevedrés de Cerdedo-Cotobade quedou extinguido no mediodía deste mércores após calcinar máis de 50 hectáreas.  

Diso informou a Consellería do Medio Rural, que detalla nun comunicado que as últimas estimacións cifran en 54,13 as hectáreas de superficie afectada polas chamas, 7 de arborado e o resto de monte raso.  

O lume iniciouse ás 16.48 horas do martes na parroquia de Corredoira. Desde entón traballaron na zona dous técnicos, dez axentes, 20 brigadas, once motobombas e dúas pas.