Un coche arremete contra a cristaleira dun bar na Coruña e accede ata o interior do local

As forzas de seguridade abriron unha investigación para aclarar o ocorrido arredor das doce desta noite, cando un coche arremeteu contra a cristaleira dun bar e accedeu ata o interior do local no barrio dos Maios. Despois, o condutor deu marcha atrás e fuxiu a toda velocidade golpeando -de paso- a outro vehículo que estaba estacionado. Ao parecer, o suceso produciuse tras unha discusión.

Catro persoas quedaron feridas, todas de carácter leve. Dúas recibiron asistencia no mesmo lugar e outras dúas foron trasladadas a un centro sanitario por precaución.

Os axentes da Policía Científica, que xa recolleron probas no lugar, investigan o ocorrido.

Na rúa Europa, onde sucederon os feitos, despregouse un amplo operativo, con axentes da Policía Local e Nacional e con varias ambulancias.