Un camioneiro marroquí queda atrapado en Mos por culpa do GPS

Un camioneiro marroquí que se dirixía a Benteler Mos quedou atrapado en Petelos no camiño da Raposa cando seguía as indicacións do GPS. Ao ver o camiño estreito quixo dar a volta e acabou golpeando unha vivenda e quedando atrancado na vía.

Os veciños máis próximos chamaron ao 112 que enviou á Policía Local de Mos, os axentes conseguiron desatrancar o vehículo coa axuda dunha empresa de camións da contorna.

Os axentes acompañaron ao camioneiro ao polígono da Veigadaña que era a onde inicialmente ía.