Zelenski acusa a Rusia de terrorismo de Estado polos ataques en Odesa

A guerra en Ucraína suma 129 días. Kíiv denunciou a aparición doutra foxa común, cun cento de mortos, en Mariúpol, e ataques importantes no sur, na cidade de Mykolaiv, que poderían ter arrasado un edificio de apartamentos. 

Ataques que chegan un día despois de que unha vintena de civís morreran preto de Odesa ao impactar varios mísiles nun bloque de vivendas e en dous centros turísticos. Volodimir Zelenski asegura que os rusos non erraron, que actuaron conscientemente e fala de acto de terrorismo.