Transportes encarga unha auditoria pola compra de máscaras do caso Koldo

Dúas empresas dependentes do Ministerio de Transportes, Adif e Portos do Estado, adxudicaron uns contratos para a compra de mascaras á empresa involucrada na suposta trama do caso Koldo. Óscar Puente, ministro de Transportes, ordena a posta en marcha dunha auditoría para aclarar todos os contratos tramitados dende ese organismo.

Puente defende que os contratos de Adif e Portos do Estado xa foron auditados polo Tribunal de Contas e que polas mascaras se pagou un prezo máis baixo ca o de calquera outra administración. Aínda así, pretende que non quede marxe para a dúbida.

A auditoría encargáronlla á Inspección Xeral de Servizos, un órgano do que Puente dixo que goza de neutralidade e independencia. O ministro de Transportes non pasou por alto a situación do seu antecesor no cargo José Luis Ábalos. Cualifícaa de magoante e lembrou que non está acusado de corrupción.

Puente lamentou que Ábalos non seguise o camiño de Josep Borrell, cando no 2000 renunciou a ser candidato á Presidencia do Goberno tras as irregularidades cometidas por dous asesores.