Tolemia en Tajonar co Osasuna mántendose en 1ª RFEF na última xogada do partido

Final de tolos no partido entre o Osasuna B e o Ourense Club de Fútbol. O cadro ourensán tiña unha mínima opción de xogar a Copa do Rei e para iso precisaba gañar o partido. O filial do Osasuna xogábase a permanencia e notáronse os nervios ao longo do partido. O máis destacado aconteceu nos últimos dez minutos. Unha man inocente na área local aproveitouna Francesc Fullana para adiantar ao cadro galego. A combinación de resultados poñía o rival na 2ª RFEF. Botouse con todo arriba o Osasuna que empatou na última xogada do partido nun saque de córner que rematou Espejo.