O Gordo esquiva Galicia, que só recibiu a fortuna de cuartos e quintos premios
O 91.179, un cuarto premio, deixa máis de 23 millóns de euros na Illa de Arousa e en Caldas de Reis
O número 86.148 foi agraciado co Gordo de Nadal, dotado con catro millóns de euros por serie (400.000 euros por décimo), no Sorteo Extraordinario da Lotería de Nadal que se celebra este mércores. Nesta ocasión esquivou Galicia.
Saíu ás 12:12 da mañá e vendeuse na Estación de Atocha de Madrid, 129 series na terminal do AVE; As Palmas de Gran Canaria (40 series) e unhas serie respectivamente en Santoña (Cantabria), Ayamonte (Huelva) e na rúa Toledo de Madrid.
Entre Caldas de Reis e A Illa de Arousa repartiron máis de 23 millóns de euros do 91.179
Un cuarto premio do sorteo extraordinario da Lotería de Nadal, o 91.179, e un quinto, o 26.711, repartíronse en seis localidades galegas das provincias de Pontevedra e A Coruña. En concreto, vendéronse 92 series do 91.179 na Illa de Arousa e 38 en Caldas de Reis. Este premio tamén repartiu tres décimos na Coruña, O Porriño e Vigo.
Por outra banda, un dos quintos premios, o 26.711, caeu en Baiona. Os cuartos premios da Lotería de Nadal reparten 20.000 euros por décimo xogado e os quintos, 6.000 euros por décimo.
Un quinto premio do sorteo extraordinario da Lotaría de Nadal, o 24.198, deixou 120.000 euros en Laxe (A Coruña). En concreto, vendéronse dúas series deste premio na avenida de Rosalía de Castro de Laxe, o que supón un total de 120.000 euros.
O último premio da mañá do sorteo da Lotería de Nadal caeu nas localidades de Carballo, Santiago e O Porriño. Trátase de décimos, aos que corresponden 6.000 euros, dun quinto premio, o número 89.109, que saíu sobre as 13:20 horas da mañá.
En Carballo vendéronse dous décimos, en Santiago, un e no Porriño, outro. Dáse a curiosidade de que o establecemento desta localidade pontevedresa vendeu un décimo do quinto premio que saíu pola mañá, antes das 09:30 horas, e vendeu tamén outro décimo do último quinto premio deste sorteo. Ademais, repartiu dous cuartos premios.
Minuto a minuto
Comezan a introducir as bólas dos números no bombo
As bólas dos números xa están no bombo grande
Comezan a introducir as 1.794 bólas dos premios no bombo
Entran os nenos de San Ildefonso
Comeza o Sorteo Extraordinario da Lotería de Nadal
Sae un 5º premio: 92.052
6.000 euros ao décimo
Vendéronse 10 décimos na Coruña e 1 no Porriño
En total son 66.000 euros
A administración número 34 da Coruña, na avenida de Oza, repartiu 60.000 euros do 92.052
Sae un 5º premio: 70.316
6.000 euros ao décimo
Non se vendeu ningún décimo en Galicia
Sae o 2º premio: 72.119
125.000 euros ao décimo
Vendido integramente en Basauri
Sae un 4º premio: 42.833
20.000 euros ao décimo
Número vendido na Coruña, Malpica de Bergantiños, Santiago de Compostela, Lourenzá, Lugo, A Illa de Arousa, Ferrol, Riós, Vigo, Tui, Meis, Gondomar, O Porriño e Bueu
A administración número 3 de Santiago, na Porta Faxeira, vendeu dez décimos do 42.833 e repartiron 200.000 euros
Sae un 4º premio: 91.179
20.000 euros ao décimo
Vendido na Coruña, Caldas de Reis, A Illa de Arousa, O Porriño e Vigo
Sae un 5º premio: 26.711
6.000 euros ao décimo
Vendéronse 10 décimos en Baiona, en total repartiron 60.000 euros
O 91.179, un cuarto premio, deixa 18 millóns de euros na Illa de Arousa
O 91.179, un cuarto premio, deixa 7,6 millóns en Caldas de Reis
Sae o 3º premio: 19.517
50.000 euros ao décimo
Sae un 5º premio: 24.198
6.000 euros ao décimo
Vendéronse 20 décimos en Laxe
Sae o 1º premio, o Gordo: 86.148
400.000 euros ao décimo
Sae un 5º premio: 69.457
6.000 euros ao décimo
Sae un 5º premio: 89.053
6.000 euros ao décimo
Sae un 5º premio: 34.345
6.000 euros ao décimo
Sae o último premio, un 5º premio: 89.109
6.000 euros ao décimo
Vendeuse un décimo no Porriño, outro en Santiago e dous en Carballo, un total de 24.000 euros
Remata o Sorteo Extraordinario da Lotería de Nadal
