Sanidade fai un segundo chamamento mir, ao quedar 473 prazas vacantes
Sanidade fai un segundo chamamento mir, ao quedar 473 prazas vacantes
Case 460 desas prazas son en Medicina Familiar
O Ministerio de Sanidade fixo un segundo chamamento, que concluirá o vindeiro mércores, para cubrir as 473 prazas MIR que quedaron vacantes na actual convocatoria, 459 delas na especialidade de Medicina Familiar e Comunitaria, o que supón máis do dobre ca hai un ano.
Finalmente, o proceso de adxudicación das 8.772 prazas de Medicina ofertadas este ano, que comezou o pasado día 8, concluíu este venres co 75 % das prazas elixidas polos aspirantes, que este ano chegaban ás 10.922.
Desta forma, a especialidade de Familia deixou 459 prazas desertas, fronte ás 202 que quedaron sen adxudicar no primeiro chamamento do ano pasado; as outras dúas que non conseguiron esgotarse son Medicina Preventiva e Saúde Pública, que deixa 12 vacantes, e Medicina do Traballo, con 2.
Neste segundo chamamento ampliarase a cota de extracomunitarios ao 10 % das prazas ofertadas, co que pasa de 526 a 877, segundo a información que publicou o Ministerio de Sanidade.
