Sánchez anuncia o inicio dos trámites para presentar os orzamentos de 2027

O presidente do Goberno, Pedro Sánchez, anunciou este mércores o inicio dos trámites para a presentación do proxecto de lei de orzamentos xerais do Estado para 2027.

Sánchez, que fixo este anuncio na súa intervención na clausura das xornadas anuais do Cercle d'Economia, deu así por descartado que o Goberno presente o proxecto de orzamentos para 2026.

O xefe do Executivo avanzou que esta mesma semana vai publicar no Boletín Oficial de Estado a orde do Ministerio de Facenda para a elaboración dos orzamentos e ,no segundo semestre, levalos ao Parlamento e intentar que sexan aprobados.

Ao longo do mes de xuño actualizarase o cadro macro destes orzamentos que segundo subliñou Sánchez serán sociais, xa que o obxectivo do Goberno é redistribuír a riqueza reforzando o Estado do benestar para que os servizos públicos estean á altura do que os cidadáns demandan.

A vivenda terá un peso prioritario no proxecto de lei, "coa maior despregadura -recalcou- de recursos públicos que se coñecese xamais na historia da democracia".

Ademais, destacou que os orzamentos seguirán a liña da responsabilidade fiscal que veu defendendo o Goberno e seguirase reducindo o déficit público e acabar a lexislatura cunha débeda pública por baixo do 100 % do PIB.

Todo isto farase, subliñou, buscando a coordinación máis estreita coa Unión Europea e uns vínculos cada vez máis fortes e diversificados no exterior.