Salazar asegura que ninguén do PSOE lle pediu que dimitise tras as denuncias por acoso sexual
O exalto cargo de Moncloa asegura que respectou todas as mulleres coas que traballou
Negou que Pilar Alegría lle reprochase o seu comportamento
Salazar ía ser nomeado adxunto á secretaría de Organización do PSOE. Uns días antes coñecíanse varias denuncias por acoso sexual. No Senado, negou as acusacións e dixo: "Respectei todas as mulleres coas que traballei".
A senadora do PSOE María de Lirio Martín mostrouse moi dura co seu antigo compañeiro: "Errou no seu comportamento".
Salazar asegurou que ninguén do PSOE lle pediu que dimitise cando se coñeceron as acusacións. E dixo que deixou os cargos para estar coa súa familia. Sobre a súa reunión con Pilar Alegría, negou que a daquela voceira do Goberno "lle reprochase o seu comportamento" e que falaron sobre a familia.
