Rusia e Ucraína trocan outros 307 prisioneiros por bando, tras o acordo de Istambul
Na primeira etapa do intercambio que se levou a cabo o pasado venres, cada unha das partes entregou 270 militares e 120 civís
.jpg)
Persoal de servizo ruso prisioneiro. FOTO: Ministerio de Defensa de Rusia vía REUTERS
O Ministerio de Defensa ruso informou do troco doutros 307 prisioneiros de guerra por bando no marco do acordo de intercambio de mil persoas cativas acordado con Ucraína en Istambul durante as primeiras negociacións directas con Kíiv en tres anos.
"Actualmente, os militares rusos atópanse no territorio da República de Bielorrusia, onde reciben a asistencia psicolóxica e médica necesaria", sinalou Defensa nun comunicado publicado en Telegram.
Todos os militares rusos, engade a nota, serán trasladados á Federación de Rusia para recibir tratamento médico e de rehabilitación en hospitais do Ministerio de Defensa.
"O troco (de prisioneiros) de envergadura que leva a cabo por iniciativa da parte rusa continuará", conclúe o comunicado.
Na primeira etapa do intercambio acordado o pasado día 16, que se levou a cabo o pasado venres, cada unha das partes entregou 270 militares e 120 civís.
