Rueda cre que o aval do TC á lei de amnistía é a antesala de moitas desigualdades

O presidente da Xunta Alfonso Rueda prognosticou este xoves que o aval do Tribunal Constitucional á lei de amnistía é a antesala de moitas desigualdades.

Segundo sostivo o mandatario galego en declaracións aos medios na Coruña, esta decisión supoñerá cesións a moitas das cuestións que está a esixir o independentismo catalán; algunhas directamente para o beneficio persoal dos seus líderes políticos, do señor (Carles) Puigdemont especialmente.

Mostrou o seu temor ante a posibilidade de que mediante o aval do Constitucional se rompa esa igualdade básica que ten que haber entre todos os territorios de España.

Con todo, insistiu en que se trata dunha decisión do Tribunal Constitucional e por tanto será acatada, xa que, apuntou: "Sempre digo o mesmo, as sentenzas hai que acatalas, gusten ou non gusten".

"A min esta non me gusta, sinceramente, pero non queda outra que acatala", rematou.