Rueda comprométese a aprobar a lei para o terceiro sector que demandan organizacións coma Cogami
O presidente da Xunta participou na celebración do 35 aniversario da entidade
Cogami presta servizo en Galicia a 15.000 persoas
A Confederacion galega de persoas con discapacidade, Cogami, celebrou este venres en Santiago o seu 35 aniversario.
No acto participaron, entre outras autoridades, o presidente da Xunta e a Conselleira de Política Social.
Alfonso Rueda eloxiou o papel da entidade na construción dunha Galicia máis xusta, solidaria e inclusiva.
Rueda comprometeuse a aprobar a lei para o terceiro sector que demandan organizacións coma Cogami, que en Galicia presta servizo a 15.000 persoas.
"Espero aprobar co consenso maioritario e se pode ser unánime de todos os grupos do Parlamento esa lei que dignifique e poña no seu lugar aquilo que debe estar: os dereitos á inclusión e á plena condición das persoas con discapacidade", concluiu o presidente Rueda.
