Ringleiras nas oficinas postais pola alta demanda do voto por correo
Ringleiras nas oficinas postais pola alta demanda do voto por correo
Case dous millóns e medio de persoas solicitaron o voto por correo e non se descarta chegar aos tres millóns por primeira vez
Vacacións ou motivos de traballo enchen as oficinas de Correos cos que van votar a distancia... E a dous días de que remate o prazo para solicitar o voto, o próximo xoves, medran as ringleiras de espera.
Os sindicatos falan de máis de dous millóns e medio de solicitudes, que tamén se poden facer telematicamente na web de Correos... e que esta mañá seguían, mesturándose nas colas cos que xa recibiron a documentación e votaban por adiantado.
Poderán facelo en calquera oficina de Correos ata o xoves 20 de xullo. Ese é o último día parta exercer o dereito ao sufraxio vía postal, que aínda non é accesible para persoas cegas. Eles dispoñen nos colexios dun kit en braille o día das eleccións. E piden avanzar neste eido.
Corina Afonso, conselleira Territorial da ONCE en Galicia explica que quererían conseguir que "nas próximas eleccións teñamos a posibilidade de que este voto accesible estea nos domicilios e por suposto o voto por correo que non é accesible para as persoas cegas"
O kit pedírono en Galicia 97 persoas. Outro cidadán con discapacidade solicitou un intérprete en linguaxe de signos para poder participar como membro dunha mesma electoral.