Residentes da zona limítrofe entre Santiago e Ames piden unha parada de bus e unha marquesiña
Demandan o arranxo da pasarela peonil moi deteriorada
Din que se senten abandonados polo Concello
Hai anos que as melloras de ampliación da estrada de entrada a Santiago deixaba os veciños da zona sur do concello limítrofe con Ames, sen servizos tan básicos como unha parada de autobús.
A espera do transporte interurbano convértese ademais nun calvario, xa que levan anos agardando a instalación dunha marquesiña.
A ampliación da estrada fixo necesaria a instalación dunha pasarela peonil que co paso dos anos aseguran que está moi deteriorada.
Ante o abandono que din sentir por parte do Concello, pensan iniciar unha recollida de sinaturas para reclamar novamente uns servizos, aos que tamén se suman a limpeza dos canais de drenaxe, que levan anos demandando.
