Repasamos con Chris Ramos os seus bos números antes do partido co Mirandés

Chris Ramos repasa as estatísticas individuais da Liga e atópase con datos que o sitúan entre os cinco mellores do campionato. Primeiro en disparos, segundo en goles de cabeza así como en duelos gañados sobre a posesión no aire, terceiro máximo realizador, cuarto en balóns disputados onde gañou a posesión ou quinto en goles dentro da área. A big data fai que a Chris Ramos se lle coñeza agora como Big Ramos.

"Sabía que polos goles era o terceiro, pero o dos disparos, as disputas e os remates de cabeza, non acostumo a miralos", indica Ramos.

O andaluz viuse favorecido pola volta a súa posición natural como dianteiro logo de actuar na banda nas dúas últimas temporadas.

"Nestes últimos partidos, xogando de punta, o noto moito máis, noto tamén que estou moito máis fresco á hora de atacar, porque de extremo estaba un pouco máis abaixo".

De momento, leva cinco goles en once partidos, dous menos que a pasada temporada en corenta. Ramos cre que lle favorece xogar o carón de Manu Barreiro: "Para min é moi vantaxoso porque me aproveito das súas peinadas, que quede co balón, prosiga coa xogada e a meta o espazo. E a verdade que xogar con Manu é unha marabilla".

O artilleiro lucense agarda ilusionado a visita do Mirandés ante o que ten clara a folla de ruta a seguir. "Nós imos con todo, creo que tódolos partidos de casa, temos que saír a rebentalos".

Os rivais saben que con Chris Ramos máis dura será a caída.