Renfe suspende todas as circulacións ferroviarias da liña de Alta Velocidade entre Galicia e Madrid

RENFE suspendeu esta noite todas as circulacións ferroviarias da liña de Alta Velocidade entre Galicia e Madrid por "un incendio próximo á vía". Esta suspensión afectará os trens AVE e Alvia que realizan o percorrido Galicia-Madrid.  

"Debido a un incendio próximo á vía, ADIF suspendeu a circulación entre Galicia e Madrid. Isto afecta os trens AVE e Alvia Galicia-Madrid", explicou RENFE na súa conta oficial de Twitter.   Así mesmo, indicou que "polo momento, non hai medios alternativos" e que ampliará "información a medida que avancen os traballos de extinción".  

Este luns á mañá, RENFE xa informou de que debido ao incendio iniciado en Losacio (Zamora) se viron obrigados a suspender "ata novo aviso" o tramo comprendido entre o municipio zamorano de Otero de Bodas e a capital da provincia.

📢 INFO: Debido a un incendio próximo a la vía, Adif ha suspendido la circulación entre Otero de Bodas y Zamora, que afecta a los trenes AVE y Alvia Galicia-Madrid.

🔴 Hasta nuevo aviso se suspenden todas las circulaciones entre Galicia y Madrid y viceversa.

— InfoRenfe (@Inforenfe) July 19, 2022