Radu, lesionado no xemelgo, non xogará a repesca con Romanía

O porteiro do Celta Ionut Radu non se unirá á concentración da selección romanesa despois de sufrir unha lesión no xemelgo da súa perna dereita durante o partido ligueiro de onte contra o Deportivo Alavés.

O seleccionador romanés, Mircea Lucescu, citou ao porteiro Laurentiu Popescu (Universidade de Craiova) para suplir a baixa do gardameta celeste, quen este luns será sometido a probas de imaxe para coñecer o tempo que deberá permanecer de baixa.

O vindeiro xoves, Romania disputará a semifinal contra Turquía do playoff de repesca para o Mundial que se celebrará este verán nos Estados Unidos, México e O Canadá. En caso de vitoria, a selección romanesa medirase co vencedor do Eslovaquia-Kosovo o martes.