Publicador de contidos

Publicador de contidos

Quiles regresa con gol pero perderá a fase de ascenso por lesión

Quiles regresa con gol pero perderá a fase de ascenso por lesión

Empate en Pasarón (1-1) no que marcaron Abelenda e o dianteiro andaluz

Nun mal xesto Quiles torceu o xeonllo e non volverá a xogar esta temporada

Charles recibiu unha homenaxe no seu último partido

G24.gal 27/05/2023 22:05 Última actualización 28/05/2023 14:07

Alberto Quiles foi o nome propio do partido entre o Pontevedra e o Deportivo. Entrou no último partido da liga regular cunha máscara, marcou o gol do empate no 85' e tivo que marchar mancado cun problema no xeonllo despois de pisar dun xeito moi aparatoso. 

Pouco había en xogo porque nos primeiros minutos xa se coñecía o gol do Real Madrid Castela co que o Deportivo quedaba sen opcións de rematar na terceira posición. O interese centrouse no debutante como titular Mella que tivo un lanzamento ao poste na primeira metade. 

No Pontevedra todos os ollos estaban postos en Charles que xogaba o seu último partido oficial. Non puido marcar pero despediuse ao grande, con todo o público aplaudindo o que foi un dos seus referentes nas dúas últimas décadas. Brais Abelenda honrou a Charles marcando un golazo ao pouco de comezar a segunda parte. 

Logo chegou o momento de Quiles, cun tiro ao poste, un gol e unha lesión pola que se perderá toda a fase de ascenso. O Deportivo confirmou que sofre unha "distensión da cápsula posterior cunha contusión ósea na meseta tibial" sen ter afectados os ligamentos. 

Publicidade
Publicidade
Publicidade
Publicidade